1. Skip to Menu
  2. Skip to Content
  3. Skip to Footer>

Fare

Gjithcka rreth rrjetit FARE.


PDFStampaE-mail

Scritto da Admin Martedì 12 Febbraio 2013

Tani themi mjaft

Kopertina e të përdishmes “Il Tirreno”, edicioni i Pistoia-Montecatinit, i datës 8 shkurt 2013 ka shkaktuar pështjellim dhe hidhërim në komunitetin shqiptar në Itali. Titulli me germa kubitale ‘Turistit shqiptar i pëlqen vjedhja’, në vetvete shumë domethënës e ndoshta për ndonjë edhe simpatik, është perceptuar si ofendues dhe racist nga shumë lexues. Por jo nga të gjithë: jo nga ata që, tashmë të mësuar nga presioni i lartë, u dorëzohen fakteve dhe thellë thellë mendojnë se në një farë mënyre e meritojmë.

Tani themi mjaft!

Kemi mësuar që për të kundërshtuar një artikull “racist” nuk mjafton një artikull “buonist” rrëfen bëmat e shqiptarit të mirë e të integruar, që ngre ndërmarrjen e tij të ndërtimit e ha picë. “Përgënjeshtrimi është një lajm i dhënë dy herë” shkruan Umberto Eco, e ka plotësisht të drejtë. Të përgjigjesh, siç kemi bërë shpesh, duke shkruar se nuk është e vërtetë që turistit i pëlqen vjedhja por Cappella Sistina apo statuja e Davidit, nuk mjafton.

Kështu, këtë radhë vendosëm t’i nisim një raport formal Urdhrit të Gazetarëve të Toskanës (dhe për njoftim edhe Urdhrit kombëtar të Gazetarëve, Ambasadës së Shqipërisë në Romë, Zyrës kundër diskriminimeve raciale UNAR, Shoqatës kombëtare të shtypit ndërkulturor ANSI, Shoqatës së studimeve juridike të imigracionit ASGI) duke sinjalizuar titullin në fjalë e duke kërkuar që Urdhri të vihet në lëvizje për të shqyrtuar këtë situatë. Është kjo që u kërkojmë të bëjnë edhe lexuesit tanë të shumtë, qytetarë të thjeshtë apo shoqata, që ndihet të ofenduar nga ky apo të tjerë tituj të ngjashëm.

Nuk pretendojmë se kemi kuptuar dallimin mes opinionit dhe nxitjes së urrejtjes raciste, thjesht paraqesim një ankimim në Prokurorinë e Pistoias dhe mbetemi në pritje të mendimit të drejtësisë nëse ka apo jo vepër penale.

Jemi të lodhur me ata që thonë apo lënë të kuptohet që jemi të gjithë keqbërës, përdhunues, vrasës, mashtrues, hajdutë, injorantë, të pamëshirshëm, trafikantë, të pandershëm e së fundi, që nuk e kemi në gene  respektimin e ligjit.

Tani themi mjaft!

Darien Levani

Scarica: L’esposto all’Ordine dei Giornalisti di Toscana


PDFStampaE-mail

Scritto da Administrator Giovedì 10 Gennaio 2013

Kordinimi ConIssi : Mbeshtetje kandidatures se Isit

Të dashur miq/mikesha,

Siç mund të keni marrë vesh nga mediat, të martën në darkë, Këshilli Kombëtar i PD-së italiane miratoi listat e kandidatëve të saj për Dhomën e Deputetëve dhe Senatin. Kandidatura e Isit që së bashku mbështetëm publikisht nuk u përfshi në 10%-shin e kandidatëve që propozohen direkt nga Sekretari dhe Këshilli Kombëtar.

Sidoqoftë në listat e kandidatëve për Dhomën e Deputetëve, e me shumë mundësi do të zgjidhen, ka dy kolegë të Isit me origjinë joitaliane që prej vitesh janë të angazhuar brenda PD-së me politikat e imigrimit dhe të drejtat e shtetësisë: Cecile Kyenge Kashetu e Khalid Chaouki. Ishim të bindur që PD-ja do të kandidatonte në 10%-shin “e sigurtë”, më shumë se dy kandidatë me origjinë te huaj, prandaj edhe angazhimi ynë publik, duke pasur parasysh paraskenat politike, ishte jetësor.

Janë të shumtë qytetarët, politikanët dhe zyrtarët që kanë vlerësuar aksionin tonë si shprehje të një kulture pjesëmarrjeje dhe angazhimi të hapur në sferën publike, një risi për ndërgjegjësimin dhe mobilitizimin e komuniteteve te huaja që shpesh përfshihen në rrjedhën e përditshme pa patur mundësinë ta ndryshojnë atë. Si letra që i dërguam Bersanit, ashtu edhe botimi i saj në shtyp e si peticion në sitin www.change.org (http://chn.ge/Uxa1Cc) ngjallën debat si brenda grupit drejtues të Pd-së, si brenda komunitetit tonë e komuniteteve të tjera. Pavarësisht përfundimit, kjo ngelet një përvojë e vyer që nuk duhet humbur por duhet zhvilluar e përmirësuar në të ardhmen.

Gjithashtu Issi, me mirënjohjen më të madhe për përkrahjen nga shoqatat e komuniteti ynë, dje shkroi një letër falenderimesh që është botuar në gazetat shqiptare online www.albanianews.it  (http://bit.ly/13iYp93) dhe www.shqiptariitalise.com (http://bit.ly/VV2BGN) e mund ta lexoni në lidhjet që gjeni pak më sipër.

 

Duke ju falenderuar të gjithëve për mbështetjen, përfshirjen, pjesëmarrjen dhe angazhimin në këtë përvojë të pashoqe, urojmë që të jetë fillimi i një bashkëpunimi të ndërsjelltë e të shumëanshëm.

Me respekt,

Koordinimi ConIssi

PDFStampaE-mail

Scritto da Administrator Martedì 22 Maggio 2012

Komunikate i rrjetit F.A.R.E. mbi tragjedine ne Himare

tragedia-himareRrjeti F.A.R.E. (rrjeti i shoqatave shqiptare ne Emilia Romagna)

Shpreh dhimbjen e thellë për aksidentin tragjik në aksin e Himarës dhe ngushëllime familjarëve të viktimave dhe Kombit Shqiptar për këtë humbje të madhe.

Bologna, 21/05/2012

 

Read Article »